天香街換水管 擾民不斷
香港路面工程無日無之，不少市民已不勝其擾。阿豪（化名）指觀塘天香街與月華街一帶近期不斷有水務工程開展，對工程頻仍的實際需要深表質疑，「半年嚟喺同一個位掘完又掘，咁搞法分明係浪費公帑！」
水務署發言人解釋，上述地點正進行食水及鹹水水管更換工程，工程須配合臨時交通安排而分段進行。發言人又稱，天香街工程現已全面完成，至於月華街則尚有部分工作將會展開，預計於今年年中可告完工。
「水務署其實可以再做好啲，將成個工程大約需要嘅時間公布出嚟，咁就唔會引起不必要嘅誤會！」當區區議員徐海山認為上址進行的水務工程有其必要性，不過建議當局增加透明度，將整個水管更換工程程序及時間表張貼於工地，方便居民了解工程進度。