勢爆「歐美大戰」
據英國報章報道，ＢＢＣ嘅編採方針一向「重美輕歐」，舉例喺美國聘有五十五人，但喺專責採訪歐洲新聞嘅巴塞隆拿分部卻只有十五人，就算全個歐洲嘅員工數目亦唔及喺美國嘅一半，孰重孰輕，一目了然。而曾任歐盟外交事務專員嘅彭定康，親歐作風遠近馳名，日後新官上任隨時要ＢＢＣ改弦易轍，咁就有可能爆發「歐美大戰」嘞，事關ＢＢＣ舊臣未必肯就範，彭定康未上任，可能已遭排擠責難，真係有排頭痕。
其實，英國政府提名彭定康出掌ＢＢＣ，仲有待英國文化大臣作最後拍板，彭定康都未正式獲聘，已經是非多多，最終會唔會陰溝裏翻船呢？大家拭目以待。