曾小姐（醫療）：「啲商場食肆食個午餐要成四、五十蚊，私人樓又貴到離晒譜！令中產生活好苦，政府照顧唔到，啲人積埋好多不滿情緒。」
錢小姐（學生）：「出咗嚟住生活費好貴，咩都加價，我每月得二千蚊零用錢，惟有食少啲，啲低下階層分分鐘無得食，政府幫唔到我嘅。」
陳先生（金融）：「物價係咁加，但人工唔加，貧富又愈來愈懸殊，但政府嘅稅制同福利都對應唔到問題，民怨就梗係愈來愈多。」
