投訴：醫管局熱線留言無人覆
「留咗電話都冇人覆，咁留嚟做咩？」羅女士於去年十二月擬就父親轉院問題向醫院管理局查詢，惟多次透過熱線聯絡病人關係處，均因線路繁忙而未能對話，羅遂留下手提電話號碼以供聯絡，一直未獲職員回覆。
醫管局發言人證實，羅女士曾於病人關係處熱線留下手提電話號碼，惟因留言出現雜音，令職員未能掌握整個號碼。發言人又稱，當日羅以固網電話致電，職員未能於來電紀錄查出相若之手提電話號碼，故無法接觸。經本報轉介後，局方已取得羅女士之完整電話號碼，並成功聯絡當事人。
「根本就係砌辭狡辯！」病人互助組織聯盟主席曾建平認為熱線本為服務病人，職員更有責任「千方百計」去聯絡來電者，「點解唔試吓打返去個固網電話？最緊要係知道市民打嚟咩事！」