導遊阿珍嘅惡導遊形象維持唔夠一年，立即被「翻版阿珍」取而代之，新嘅惡導遊阿蓉比阿珍有過之而無不及，佢直頭同遊客大打出手，連中央電視台都大肆報道，真係好事不出門，醜事傳千里。
事發後一直唔見影嘅商務及經濟發展局局長劉吳惠蘭（Rita），尋日放完假後終於現身，佢義正辭嚴、大大聲話呢啲個案一宗都不能接受。翻版阿珍單嘢喺年初三發生，劉太尋日年初五至識得出嚟回應，莫非放假大過天？