工程拖足數年渠署捱轟
排水工程進度緩慢，不但未能於雨季前解決水浸問題，更阻礙村民出入。大埔元嶺村村民彭小姐發現，村口排水工程動工已有數年之久，但至今竟未完工，「開頭都會貼個牌寫清楚完工日期，但一直唔見完工，最近連個牌都冇埋！」彭指上址為村口要道，工程進度緩慢對村民出入造成不便，「地盤附近成日都有泥頭，搞到條路窄晒，有好幾次為咗避對頭車差啲炒車！」
渠務署發言人稱，為解決大埔北水浸問題，已於○五年起分階段進行工程，以彌補雨水排放系統及河道排水能力不足。發言人又預計工程可於今年年底完成，接獲投訴後已重新擺上工程完工日期指示牌。
當區區議員鄧友發直指工程進度慢，且透明度不足，有加緊趕工及知會村民的必要，「前年十二月尾就話畀我知上年完成，到依家都未搞掂，個工程已經做咗好幾年，應該預計到個準確完工日期，畀村民知道番！」鄧又指當局應保持工程位置整潔，定期清理好廢物及用具，以免令道路塞上加塞。