政情：曾偉雄堅決不做守財奴
警隊早前爆出CID逃亡潮，做過CID臥底嘅新一哥曾偉雄尋日喺電台話，自己當年捱更抵夜，都係捱義氣，所以唔希望啲同事步佢後塵，行番佢條舊路，仲承諾幫班手足爭取番啲超時補水。一哥強調自己嘅原則係應使則使，唔係守財奴，會好好運用政府每年畀警隊嘅預算，向同袍作適當補償。財爺鬍鬚曾下個月將公布新一年財政預算案，估計庫房有逾六百億元盈餘，但佢竟然講明唔派糖；大家都係姓曾，睇嚟「鬍鬚曾」應該向「曾一哥」學番兩招至得！
警隊早前爆出CID逃亡潮，做過CID臥底嘅新一哥曾偉雄尋日喺電台話，自己當年捱更抵夜，都係捱義氣，所以唔希望啲同事步佢後塵，行番佢條舊路，仲承諾幫班手足爭取番啲超時補水。一哥強調自己嘅原則係應使則使，唔係守財奴，會好好運用政府每年畀警隊嘅預算，向同袍作適當補償。財爺鬍鬚曾下個月將公布新一年財政預算案，估計庫房有逾六百億元盈餘，但佢竟然講明唔派糖；大家都係姓曾，睇嚟「鬍鬚曾」應該向「曾一哥」學番兩招至得！
