違泊單車傷人路署死撐
違泊單車攻陷沙田，路政署與民政事務總署「唔踢唔郁」！李女士不時經過沙田沙角街及崗背街，發現上址欄杆長期泊滿單車，更曾經被違泊單車「凸出」的腳踏碰傷，「啲單車初時都係得幾部，依家就泊到成條欄杆都係，政府部門究竟喺度做咩㗎？」
路政署發言人表示，沙田地區轄下設有一個跨部門工作小組專責處理區內違泊黑點，並定期進行聯合清理行動，上述個案已交由沙田民政事務處跟進。民政事務總署發言人又稱，工作小組已於去年十月初及十二月初在上址一帶採取清理行動。
沙田區區議員梁志偉直斥路政署和民政署「化繁為簡」，「好明顯成件事係城市規劃配套問題，嗰度唔夠合法單車位，但係又疏於檢控，離晒譜！」梁坦言單車違泊嚴重影響市容，促盡快解決問題。