Party Life：少女心事

行善，令人如沐春風。理大上周五喺尖沙咀The Mira舉行慈善晚宴，多位名人校友出錢出力撐母校。港產設計師Vivienne Tam身在海外，仍捐出一件曾喺上海世博會展出嘅中式旗袍作拍賣。

轉季在即，名媛任葆琳率先睇靚衫，不讓自己落伍。	著名時裝設計師何志恩身形高挑，carry毛毛長褸，駕輕就熟。	賭王何鴻燊千金何超盈曾與陳柏熹傳緋聞，呢晚大方撐場，力證友情經得起考驗。
已故米王曾紀華孫女曾昭怡係時裝設計界新星，有騷睇，點少得佢!?	理大慈善晚宴 理大辦喜事，請嚟教育局局長孫明揚夫婦（右二、三）主禮，理大校長唐偉章（左一）及晚宴籌委會主席鄺美雲親自招呼。	理大榮譽大學院士麥羅武（右）捐出畫作《如意》，為大學籌得五十萬元，旁為麥太。
玩具大王蔡志明太太蔡李惠莉預告新年舉家遊澳洲歎世界。	九龍表行董事總經理兼理大校友黃錦成，捐出價值四萬多元名錶做善事。