塌樓失愛兒 慈母活在陰霾
【本報訊】「人哋呢個時間已準備緊過新年，但我冇心機、開心唔起，覺得冇過年氣氛，就當冇咗呢個節日」。一年前的今天，年僅二十歲的預科生童慶濤，慘成土瓜灣塌樓事件下亡魂；一年後的今天年關將至，童媽媽仍未走出陰霾，更直言「（承建商）點賠都冇用，賠唔番個仔畀我」。最近童媽媽的大女兒阿珂終獲內地批准，可提交單程證申請，「依家已將所有寄託放在女兒身上，希望佢可以快啲落嚟，畀我信心、支持」。
「承建商點賠都冇用」
看到兒子的遺物仍然會痛哭，每晚在睡夢中仍會驚醒，一年雖已過去但童媽媽仍面容憔悴，坦言「一啲都冇開心過」。下月十六日土瓜灣馬頭圍道四十五號的樓宇承建商將接受聆訊，童媽媽悽然道：「希望還番個公道畀我個仔，但就算佢哋點賠都冇用，賠唔番個仔畀我」。現時持雙程證來港的阿珂亦直言，「點判都判唔番細佬條命，佢廿歲仔大把前途，咁就乜都冇晒」。
唯一帶給童媽媽安慰，就是本周初母女二人接獲內地部門通知，可讓女兒提出單程證申請。童媽媽指，目前只靠積蓄及有心人捐贈過活，女兒現需經常往來中港兩地，已辭去工作，「希望佢可以快啲落嚟、搵份工，如果我情況好啲，都想做嘢，唔想拎綜援」。
童媽媽去年底於香港仔以兩萬元購下龕位，讓亡兒入土為安，她亦遷往公屋居住。不過當看着兒子遺照，她仍會哭得雙眼紅腫，「冇咗佢啲相，我都會死」，「雖然以前乜都冇，家中物品全由別人送贈，但兩母子可開開心心過，依家新居環境好過以前千倍，但已失去重要個仔的生命」。