特區政府嘅數字顯示虐兒個案有上升趨勢，去年發生嗰七百多宗，有過百宗發生喺元朗、八十七宗喺屯門。工聯會立法會議員王國興尋日睇過啲數據後，就出口成文，唸咗上述嘅一對對聯，要求勞工及福利局局長張建宗提出新對策，張建宗大讚副對聯，不過對於解決問題，佢只係口號式咁話會從源頭着手，又話政府經已駐重兵喺元朗同屯門，其他嘢就講唔到嘞。