中環出更：黃錦成長情錶不離手

精工錶大老闆送贈

非也！原來呢隻錶係精工錶大老闆送贈至真。黃總日前以理大工商管理博士身份出席理大慈善晚宴，細訴腕上「長情錶」背後嘅傳奇故事。

話說黃總同精工錶大老闆相識多年，無所不談。有日，對方突然送上一隻鈦金屬精工錶，超輕身。

錶底刻上黃總英文名及出生年月日，心思十足。

放大圖片

堂堂大老闆咁有心，已經感動咗一半，點知翻去錶底一睇，原來仲刻咗黃總英文名「KS Wong」，仲有佢嘅出生年月日；咁有心思，難怪黃總開心到日日戴喺身邊，十二年來日日如是。

隻錶當年價值約四千港元，依家升值唔少嘞。受惠自由行，錶行生意大旺，黃總透露，嚟緊將開第九間錶行，認真肥仔。