郭羨妮（2006年曾被傳與陳國強傳緋聞）：「我同佢真係唔熟，當年佢亦公開解釋過，我依家反而怕佢驚被人哋講閒話而雪藏我添！其實邊個做老闆都好，最緊要有人工加，依家通脹咁緊要，我好想買樓，希望我有份演嘅《抉擇男女》快啲播！」
佘詩曼：「新人事新作風，相信一切都會如常，無綫會繼續製作好節目畀觀眾娛樂，希望另有一番新景象。」
黎耀祥：「唔認識新老闆陳國強，只係喺報章見過，（有新股東加入，無綫股票可能會有波動？）我都無買，無影響。不過，公司各樣政策都RUN咗咁耐，初期變化應該唔會好大，（有新老闆加入，有無甚麼新希望？）打工仔當然最想加人工。」
