工程完成路牌仍被封
路牌長期被遮蔽，指示功能全失！張小姐發現，慈雲山綜合服務中心與聖母醫院對出之交通燈控制路口月前曾進行道路工程，疑因涉及改道，路口旁豎立的醫院指示牌被黑色膠袋圍封，但竣工後卻未獲解封，「個工程已經做完最少一個月，你望都望到啦，周圍邊度有工程做緊？都唔知仲遮住佢做乜，搵路嘅、揸車嘅都冇得睇！」
路政署發言人表示，中華電力有限公司正於上址進行工程，該署已知會中電跟進有關個案。中電發言人則指，有關地底電纜復修工程已於去年底竣工，工程完成後已將工地轉交水務處。
黃大仙交通及運輸事務委員會主席黎榮浩認為，有關方面應加強監管，以防承辦商於工程完結後，遺下「手尾」，「印象中個道路工程完成咗一段時間，就算接住有新工程，之前嘅承辦商都應該搞番好，至交場畀下一手。」