官腔通常動聽，官僚通常壞事。「國民經濟要在三年內恢復到上世紀六十年代到七十年代的水準，讓朝鮮人民達到吃米飯、喝肉湯、住瓦房、穿綢緞的生活水準。」這是金正恩在平壤出席朝鮮企業家和經濟家參加的會議時說的，也許這是他的主觀願望。據英國媒體報道，金正恩花一億英鎊為自己建造豪宅，此亦己欲達而達人，推己及人，金正恩也只不過是想讓朝鮮人民住瓦房，這種官腔還可接受吧！
至於政府的官僚作風，直接受害受苦的就是基層。本報「投訴」版上周六有一單因社署審批制度僵化，令三歲稚童被迫輟學；社署以綜援戶只可為子女報讀半日制課程為由，拒絕讓其申領全日制幼稚園學津，幼童未能趕及轉校已被停發學費，令其失學近三個月。
呢啲就叫官僚，施政口號一味「民心我心」，實則完全不為家長、小朋友設想，你等人哋搵到半日制才轉校都未遲啊！使唔使咁冇人情味？孤寒財爺話齋：應使得使！啲雞毛蒜皮而關乎民生嘅就「嚴防死守」，至於面子工程如申亞、拍啲無謂宣傳片如「留意見唔一定要留鬚」就「寬鬆量化」，試問咁怎叫「關愛」，怎叫「以人為本」？
官僚加官腔，老百姓死得！政府推出的「幫助」低下層計劃，個名勁到無倫，好似「就業導航」，令失業人士以為一經「導航」，人生立刻「柳暗花明又一村」，殊不知泥窪暗礁處處，嗰五千大元鼓勵金關卡重重，除非你化身一粒子彈——會飛！又如「鼓勵就業交通津貼計劃」，由個人變家庭為單位，好似查家宅，申請到都氣絕，無力返工矣！