中環出更：李鋈麟蕭邦鑽錶 值逾300萬
去年踢波整斷膝頭十字韌帶嘅東華總理李鋈麟，話咁快康復晒。上周五喺東華主席梁定宇生日派對露面，連拐杖都唔使揸。身體好番，李鋈麟有心情扮靚，手戴鑲滿閃鑽嘅Chopard蕭邦名錶，隻錶全球限量廿五隻，佢手上嗰隻，編號No.3，真係lucky到極。
限量25隻有得炒
收藏名錶多到足以開錶舖嘅李鋈麟，呢晚戴蕭邦錶去派對，佢早前專登去錶廠精挑細選，一望傾心，腕錶嘅錶殼與錶盤上以珍貴鑽石裝飾，光芒四射，但李鋈麟最欣賞嘅，仲係八日上鏈設計，用家可一次過為手錶上足八日鏈，錶盤有顯示計，幾時需要上鏈，一目了然。隻錶購買時約三百多萬港元，但限量廿五隻有炒價，升值唔少嘞，難怪李鋈麟話，收藏名錶首選限量版，咁至有升值潛力。
腳傷康復，李鋈麟笑容都多番，仲急不及待落場打golf。除咗投資名錶，佢都鍾情買股票，今年將
實內地保險股及醫藥股，仲會考慮買人民幣債券，貪佢穩陣有息收喎。