張先生（退休人士）：「外國一早就有雙層單車泊架，政府應早啲加設，因為區內好多人都係踩單車，希望政府在設計上諮詢多啲用家，最緊要方便使用，其實依家好多單車位放咗啲棄置單車，政府應該盡快處理。」
羅先生（從事製衣）：「起雙層單車泊架梗唔好啦，咁麻煩，整上整落咁嘥時間，依家好多位根本畀啲廢車霸住晒，清理晒佢咪可以騰空啲位出嚟啦！」
黃先生：「整雙層單車泊架盞嘥氣！一啲都唔實用，維修費巨，我住粉嶺多數泊架單車去買啲嘢，一陣就返，泊上泊落好麻煩，不如開放多啲位出嚟泊單車仲好。」
