Party Life：辣跑美人

驅走寒流，披上一身皮草，最是無敵。一年一度嘅皮草業界盛事「2011年皮草設計比賽」，上星期三喺洲際酒店上演。大會請嚟十位香港著名設計師，創作「Designers Love Fur」，展示皮草新國度。如果皮草代表女人，林寶堅尼就肯定係成功型男嘅象徵。林寶堅尼堪稱車中極品，型格中帶挑釁味，叫車迷又羨慕又妒忌。現時全港約有二百多架林寶堅尼，呢班車主絕對是「少數民族」。上星期日，近百林寶堅尼車主會成員齊集一起，慶祝車會成立兩周年，交流玩車心得，人生一樂也。