甘乃威 沙中線造價幾乎貴過高鐵，遲啲係咪七百億、八百億都要畀！應該為造價「封頂」。
鄭家富 沙中線愈等愈貴，但港鐵可以收百分之十六點五顧問費，睇住佢食舊「肥豬肉」，攞到好多着數！
陳偉業 港鐵設計沙中線路線，起完有錢賺，即係港鐵請客，納稅人畀錢，港鐵仲袋埋封利是！港鐵搵政府笨，倒香港人啲錢落鹹水海！
陳淑莊 百分之十六點五嘅顧問費到底點計出嚟，實際係咪需要咁多？有咩理由依家都未計好條數！
劉江華 沙中線令到港鐵沙田區嘅整體客量上升，有間接得益，仲收埋百分之十六點五嘅顧問費，真係賺到盡！
李慧琼 沙中線喺九龍城有啲站得三個出入口，深水埗站都有七、八個出入口啦，得三個點夠！