單車闖行人路警懶執法
行人路被視為單車徑，警方卻「唔踢唔郁」懶執法！陳先生每日會途經火炭安景街，不時目睹騎單車者於行人身旁左穿右插，「嗰條明明係行人路，啲單車一時兜頭兜面駛過嚟，有時又喺後面經過，明明有警察巡過都唔去捉！」 陳指上址於繁忙時段行人如鯽，擔心小孩及長者易遭違規單車撞傷。
警方發言人稱，沙田警署一直有派軍裝警員到上址及附近一帶執法，接獲本報查詢後，沙田分區已囑咐人員按「靈活執行交通法例政策」在上址加強教育及檢控行動。
沙田區區議員鄧永昌狠批警方未盡力執法，直指有失職之嫌，「即使警方有執法，都要睇下喺咩時間執法，否則就冇阻嚇作用。」鄧建議警方在繁忙時段在上址巡查，才可起警惕之效，並需設明確告示牌以提醒市民勿違例騎單車。