阮女士（退休護士）：「當年華叔創辦教協之後，先會有護協（香港護理人員協會），兩個協會有聯絡，搞工運亦會向教協取經。我唔識佢，但成日有機會見到佢，佢好平和親民。佢走咗真係好難過。」
冼先生（教協監事）：「我七三年跟華叔搞過工運，仲寫過大字報。華叔永遠都唔會氹人，佢認為正確公義嘅事自然有人參與。每次遊行，華叔都會親自控制大隊人流同秩序，佢好關心參與者嘅安全。」
項小姐（教協會員）：「我本身唔識佢，最記得有次見到佢喺辦公室房門口望向外面嘅人微笑，覺得佢好仁慈，好似一個慈父咁。佢永遠在我心中。」
