中環出更：秦善文堪稱名牌活字典
着衫態度，同做人一樣，要敢於嘗試。懶理被朋友冠以「購物狂」稱號，香港青聯副主席秦善文還是鍾情一身名牌。早前出席好友生日派對，全身衫褲鞋襪、皮帶以至手錶，件件貴嘢，堪稱一部名牌活字典。
佢如數家珍地向卓妮介紹話：「件Monogram經典圖案冷衫係LV出品，直條西褲就係Giorgio Armani，腳上一對白色Loafer皮鞋就係Prada出品，還有Hermes皮帶。」咁都未算，卓妮留意到佢又換新錶，早前寵幸嘅鑽石Rolex，已換上瑞士高級鐘錶Audemars Piguet愛彼錶。手上戴緊嗰隻八角形錶殼設計，係AP經典Sporty款式，以鈦金屬製成，展現高級製錶技術，售價約近二十萬元。
秦善文又透露，聖誕期間去咗泰國瘋狂購物，發現唔少名牌比喺香港買更平，買到停唔到手。有乜筍嘢？佢靜雞雞同卓妮講：「唔講得㗎，老婆知道，實話我啫。」