中學生「寸爆」公公婆婆短片於網上熱播，立即惹來一面倒對少年的謾罵，網民紛紛指摘該批初中生不知所謂，行為白癡「冇家教」。
網民意見大致可分為三類，第一類為痛罵該批學生是「人渣垃圾」，直指片中的學生行為白癡，「毛都未出齊」就已經「污染社會」，滋擾老人家「仲以為自己好威，好型」。而網民迪迪洛洛媽媽則為香港新一代感到可悲，「有部份（分）竟變得如此不濟！」kammm_0520更形容學生是社會敗類，「唔死都冇用，做佢老竇老母都羞恥」。另一類網民則留言「食花生，等睇戲」，並鼓動其他網民把短片「推上報（紙）」，甚至把片中學生「起底」，昨日更有網民於論壇發起「一人一信」寄去學生就讀的學校，直言「呢次應該真係等睇報紙啦」。
短片雖然引起公憤，但亦有網民依然不失理智，表示未知事件起因難以置評。不過隨即有其他網民回應，強調片中學生的行為過火，「無論始末係點，都唔應該對老人家咁樣」。另有網民以電影《古惑仔》的片段作回應，對片中學生的前途感到擔憂，「幾年後會變成咁嗎？」