中環耳目：靳埭強揀西裝 鍾情Undercover
揀西裝，大方得體是基本調，但又可能太過平凡。選西裝，著名設計師靳埭強高唱要反傳統，佢鍾情日本天才設計師高橋盾操刀嘅Undercover西裝，早前出席設計頒獎禮，就揀嚟一襲黑色Undercover西裝襯Issey Miyake黑西褲。
靳埭強摸一摸別致的西裝領介紹話，Undercover設計夠大膽、創新，好似佢身上呢件，領位剪裁得小巧別致，但設計師同時用上禮服中常見嘅黑色絲質邊，配搭起來，低調中見不平凡。
靳埭強有個外號叫「靳叔」，但佢着衫一啲都唔似叔父輩，反而喜歡破格設計，每次想起買西裝，都會首選品牌Undercover。
高橋盾熱爆設計界有原因，佢七年前踏足巴黎時裝舞台，一出手即技驚四座，被譽為繼川久保玲、山本耀司後，為世界時裝帶來無窮衝擊嘅奇才。擅長解構時裝，重重疊疊嘅穿衣法，令高橋盾喺時裝界別樹一格。
卓妮