苦等消防 居民露台射水救火
【本報訊】「燒到二樓着埋火，啲消防員都未嚟！」有在大火中身陷險境的住客，埋怨消防員營救緩慢，自行在家中開喉灌救，亦有老婦逃生時險死濃煙中，也有一家幾口被困屋內數小時受驚，考慮搬走免擔驚受怕。
花園街半夜沖天大火，樓上居民陷入恐慌，見消防員遲遲未開喉救火，自行由家中露台拖喉射水，警員則在地下手持廣播器喚醒居民，多人倉皇赤腳逃走，衣衫單薄，狼狽不堪。消防員救人亦應接不暇，有老婦逃上天台不果，在濃煙中搵路逃命時險被濃煙焗暈。另有女街坊埋怨求救無門，一家幾口被困在屋內數小時，至濃煙散去才逃落樓。
消防稱四分鐘到場
花園街排檔三個月內兩度起火，有街坊埋怨「呢度成日都起火」，應該改名為「沖天大火街」，或會考慮搬走，免生命受威脅。現場一帶大廈傍晚陸續解封，但花園街二二○號仍被封閉，至晚上八時恢復供電，有七戶無家可歸。
消防處發言人指接報後四分鐘已到場，且即時將火警升為三級，亦派人到不同位置盡力救火救人，並無延誤。