家屬斥兩醫院草菅人命
【本報訊】「爸爸平日好抵得痛，但八月到依家，肚痛無停止過，不斷食止痛藥，但爸爸話啲止痛藥根本無用，食完都仲痛，兩間醫院嘅醫生都話個病好怪，係咁痛㗎，叫佢習慣吓痛楚，佢哋根本無重視過病情，一啲都唔着緊！」病人的大女兒批評醫生只稱「個病好怪，叫爸爸習慣吓痛楚感覺」，但院方態度懶懶閒，期間更試圖叫病情嚴重的爸爸出院，發現小腸壞死後，更對父親病情採放棄態度。
張小姐的父親八月十八日病發多次進出北區及伊利沙伯醫院，至今近三個月，兩院醫生束手無策，只是頭痛醫頭，腳痛醫腳，對病因毫無頭緒，致令病情一拖再拖，延誤三個月救治時間。
態度如判病人死刑
本周一醫生為張父照電腦掃描發現小腸壞死後，醫生向家人指要緊急做手術，但指手術風險大，擔心病人身體太弱捱不住，「醫生都唔知手術成功率幾多，淨係話唔知肚入面咩情況。」
張氏一家滿以為手術後會無事，豈料術後醫生宣布「冇得救」的壞消息，家人批評醫生在手術時，沒有將壞死的小腸切除，儼如判病人死刑，「醫生淨係話條腸壞晒，冇得切，淨係清除咗腹膜嘅污糟嘢，再縫番埋個肚就算，醫生都講到明話依家冇咩可以做，只係用嗎啡止痛，我哋真係對北區醫院好失望。」