唔想再做政制工作
林D9喺○二年接任政制事務局局長一職，負責本港政制發展同選舉規劃亦已經足足八年咁耐，佢在任期間，坊間對佢嘅評價好壞參半，好嘅話佢盡忠職守、恰如其分，唔好嘅就話佢立場保守，好似人肉錄音機一樣，有人仲叫佢做林公公添。
林D9把口一向密過夾萬，無論你點問，都肯定問唔出啲乜，不過唔知林D9係唔係良心發現，尋日主持人問下屆仲係唔係由佢負責政制事務時，林D9竟然爆出一句：「你訪問我咁耐，你哋都想訪問第二個啦！」言下之意，似乎係話畀人知，自己下屆唔想再做政制工作。
至於係步步高陞再進一級，定係退出政壇，唔知佢有乜嘢盤算呢？