職工盟立法會議員李卓人經常為勞工東奔西走，運動量十足，但唔知點解依然肚腩凸凸。卓妮周日傍晚遇到阿人現身ifc嗰邊嘅港鐵站，佢將頂鴨舌帽掉轉嚟戴，又戴住副耳筒口噏噏，成個放假look。卓妮見佢喺便利店買咗支水飲，然後入閘搭港鐵，點知途經金百加集團主席黃家和旗下嘅「點點綠」（Green dot dot）有機健康天然食品專門店時，忍唔住入去睇一陣，但最後無收穫離開。阿人對有機食品感興趣，莫非佢都想過番啲健康生活？
