政情：王冬勝促政府處理資產泡沫

新一年度施政報告今日發表，樓價急升同貧富懸殊問題成為關注焦點，大家咪以為只有啲買唔起樓同生活困苦嘅小市民，先至要求政府就呢兩個問題做啲嘢。滙豐亞太區行政總裁王冬勝尋日亦警告話，低息環境同市場資金充裕，可能令香港出現資產泡沫，加上人民幣持續升值，亦會拉動香港通脹率，令基層市民苦上加苦。佢希望政府喺施政報告對症下藥，就資產泡沫及貧富懸殊問題推出政策。