150刀命案揭經理夢種禍

四十歲被告梁耀強於去年九月十三日被捕後說：「人就係我殺嘅，係佢激到我咁，佢講極都係咁」。警方後來與他進行錄影會面，期間他透露自己於○七年在內地認識死者楊秀瑜，開始同居。他說兩人曾經山盟海誓，來港後會同甘共苦。

被告指，他來港後於工作期間弄傷手，為慳錢返內地求醫，死者卻質疑他獨自回鄉「溝女」及吃喝玩樂。他又指死者到便利店工作後，「成日發經理夢」、「見錢開眼」、「水性楊花」，並在他回內地治療時已有新歡，但他不知道對方身份。

死都唔爆偷歡對象

被告說，他每日一早準備早餐，幫死者穿衣服、煮飯、洗衫，甚至晚晚為她「捽」腳，待她很好。他說：「其實我好鍾意阿瑜，佢亦好鍾意我，我哋呢段感情好真好實，但突然殺出個程咬金，佢成日發經理夢，佢識得幾多個男仔？臨死嗰刻都唔講。不如做雞。」

按被告所述，死者當日凌晨一時才返家，死者見他拿出避孕套「罪證」便向他說：「咁叻！你依家做埋垃圾佬？我同你做、同邊個做，都唔使戴套㗎啦，你知我戴套咩？」被告指死者「想攞啲色相玩吓博升職」，死者不認。兩人吵了一輪後，被告喝了酒睡覺。死者其後說：「我家吓鍾意大肚」，被告「火起」拿刀斬死者。

「索性斬死我算數」

被告斬了幾刀後，曾向死者說：「既然咁樣，我送你去醫院，反正我都死。」但死者卻說：「我依家咁樣，死都無人要，我淨係掛住個女，索性斬死我算數。」他指因死者「牙尖嘴利」才繼續斬。被告事後回鄉，打算「自行了斷」和見父母，後來家人勸服他回港自首。

據死者前夫陸偉杰供稱，死者當日凌晨五時許致電他，透露她與被告吵罵，期間她說要分開住，被告則情緒激動並揚言要跳樓；被告後來一度離家，後又致電她說無錢和想多住一晚而返回家睡覺；死者說她當時「好驚」，但因被告當時無出手打人，陸未有報警。陸於早上打了四、五次電話，都聯絡不到死者，被告後來接電話說死者已上班，陸當晚接獲死者死訊。

按控辯雙方同意案情，警方於案發當晚找到被告的女兒，取得案發單位鎖匙開門入屋，發現死者倒臥屋內及已無生命迹象。警方其後先後向小巴司機陳北勝和被告索取DNA樣本，並送交化驗所，與現場發現的避孕套的DNA樣本作比對。

案件編號：HCCC 97/2010