葉先生：「唔係咁好囉，執行起上嚟好麻煩。好似嚟緊冬天，街就好凍，地盤入面好熱，又熱又凍，唔通帶件長袖又帶件短袖！夏天熱起上嚟，着背心散熱都得，咁樣就唔得，好阻住做嘢。再講有件制服又唔會型啲，後生仔唔會為咁入行。」
李先生：「唔好搞呢啲嘢。佢（政府）話明一定要着，但可能遇到啲突發嘢，好似爛咗、濕咗換唔到咁，唔着承辦商罰錢咪又係罰我哋，講到錢就煩，唔好搞。依家都有螢光背心做制服啦。」
梁先生：「着制服唔係唔得，地盤入面好焗，衫啲物料最好薄啲，冇領都好啲，如果唔係做嘢好辛苦。不過就算着制服都唔會多啲後生入行，始終呢行辛苦，唔關個形象事。」
