中環出更：肥胡「心路」首贏頭馬食飯慶功

「心路」出賽兩年以來都未贏過頭馬，但自從暑假更換練馬師後，馬匹狀態回勇，所以話人夾人外，原來人同動物都要夾嘅。

蒙德揚心情平復

卓妮又遇到早前丁父憂嘅信興集團副主席蒙德揚（David），見佢心情已經平復，佢話前晚一家人陪媽咪過中秋，晚飯後一齊食雪糕月餅同賞月，非常溫馨。每逢佳節倍思親，David仍記掛住已故父親蒙民偉，所以趁尋日中秋「追月」慎終追遠，同家人去拜祭父親。

David尋日節目安排得密麻麻，晨早六點鐘先到沙田運動場與一大班馬拉松愛好者練跑，一口氣跑咗十六公里，之後與家人前往拜祭父親，下午再入快活谷馬場為朋友愛駒打氣。David去年底曾經帶住旗下代理嘅Panasonic GF1相機（女朋友一號）入馬場，聽講新型號GF2快將面世，David就透露下月會過日本睇相機樣辦喎！

合和集團副主席何炳章（左二）得悉愛駒「迎風起舞」跑第二時，即時錫啖同行女士以示慶祝。

蒙德揚尋日入馬場前，先去練跑及同家人去拜祭父親蒙民偉。