消防閘撞歪維修歎慢板
定期檢查消防設備，可確保設施如常運作。黃大仙居民石先生發現，慈雲山慈樂邨服務設施大樓外、樂合樓對出的消防閘日久失修，惜遲遲未有人跟進，「你對比吓另一道閘，就知呢道歪晒，用手搖吓佢仲會左搖右擺，唔知喺咪落地唔夠深。」
當區區議員袁國強解釋，上址不時有車輛出入，車身較大如貨車，或會因目測不夠準確，而誤撞消防閘，「我知管理處已經安排咗維修，遲啲仲會考慮將其中一道閘改為活動式，啲車想入嚟就通知保安。打開其中一道閘，等佢駛入嚟，應該可以減少損毀情況。」
接獲本報轉介後，慈樂邨物業服務辦事處發言人指損毀消防閘已完成維修。