後巷雜物招鼠食署塞責
黃先生居於牛頭角多年，發現多條後巷一直被雜物佔據，衞生情況欠佳，近日更常有老鼠出沒。「我已經投訴過好多次，但係佢哋一直都冇做嘢，咁多垃圾積喺度，冇老鼠就奇啦！」
食環署發言人稱，接獲本報轉介後已派員巡查，發現有雜物堆積，並於即日安排進行清理行動，及口頭警告懷疑堆積雜物店舖負責人。其後覆查時並未發現有雜物堆積，衞生情況尚可。
區議員陳華裕認為，區內唐樓眾多，清潔工人為方便工作，常將手推車及竹簍放於後巷，加上社區規劃有欠完善，致令問題久未解決。「呢度咁多舊唐樓，又車房又有建材公司，梗係多雜物啦！我成日都同食環（署）講，佢哋都只可以清完又清，好似打游擊咁。」