中環出更：肥亨搞追思會 為死傷者祈禱
無辜港人客死異鄉，大家無不感到傷感及憤怒。作為虔誠基督徒嘅中策集團主席馬時亨，更以「哀傷悲憤」嚟形容，狠批菲國政府無能，處理失當！肥亨嘅太太王培琪（Linda）亦感同身受，Linda擔任主席嘅基督教團體「全城更新」，今日下午三點起喺中環遮打花園舉行追思會，邀請全港市民參與，為事件中嘅傷亡者祈禱。
假遮打花園舉行
據聞肥亨嘅高球波友、保安局局長李少光都會出席追思會，大會仲請咗有份前往馬尼拉嘅救援人員到場分享感受，大家齊齊為事件中嘅傷亡者祈禱，而晚上七點就會舉行燭光晚會，向遇難港人致哀之餘，亦支持及祝福生還者，團結社會力量。講番主辦機構「全城更新」主席Linda，佢近年積極喺大球場籌辦全球禱告日，所以舉辦大型活動可謂駕輕就熟。