【本報訊】殺人兇手門多薩舉殯，家人在靈柩覆蓋國旗，內地和本港網民同聲譴責，怒轟門多薩靈柩無資格蓋國旗，質疑門的家人是否當他是民族英雄。有網民指摘門多薩家人「火上加油」，亦有人無奈說：「賓國真係無奇不有……」
北京網民張保東說：「他憑甚麼蓋着國旗！這明顯代表了菲律賓政府的態度！一個國家的罪人、世界的罪人難道可以蓋着國旗入棺？！這難道不是有預謀的嗎？抑或挑釁中國？」
而在高登討論區，「彩虹‧維尼」說：「殘殺遊客者就是國家英雄嗎？唉……菲律賓好似當門多薩係英雄咁，見到佢哋喺當地影相笑，總統又笑，真係好唔開心！」「愛人與海」則稱：「又要蓋國旗，又要同香港人道歉，咩logic嚟？」
「神鵰俠爵士」也說：「睇新聞嗰時仲以為佢係民族英雄，又國旗又警隊制服，仲有d獎。」「愛因煎蛋」表示：「好心佢屋企人就低調d啦，殺咗人好馨香咩？」
「此用戶不存在」諷刺：「你又唔知人哋文化，可能喺菲律賓為棺木蓋上國旗係對死者侮辱呢？」「勿通匪類」稱：「連總統都話自己憤怒時先會笑，呢個國家仲有乜嘢混帳風俗講唔通？」