快餐店速遞車長霸泊位
多間大型快餐店為方便市民而增設外賣送遞服務，但卻衍生外賣車輛佔公共泊車位問題。阿強（化名）指出，紅磡利工街一列非咪錶電單車位原屬公眾泊位，卻長期遭附近一連鎖食肆的外賣電單車佔用，「咁算唔算係濫用公眾設施嚟賺錢？」
警方發言人證實，已就投訴派員調查，並警告有關餐廳負責人，及後巡查時發現情況已有改善。發言人又稱，根據《道路交通規例》，任何人在泊車處連續停泊超過二十四小時即屬犯法，最高可被罰款二千元。
「警察成日等到有人投訴先去巡，梗係解決唔到問題啦！」九龍城區議會交通及運輸事務委員會委員楊永杰直言，警方經常「踢一踢，郁一郁」，加上區內電單車位不足致濫泊成風，要求部門嚴正執法，並要求有關餐廳自律，「用公家地方做商業用途真係唔啱！」