路磚毀爛多時易跣途人
葵涌大白田街一段行人路路磚損毀多時，行人陷阱每日製造危機。徐小姐指行人路磚損毀已有一段時間，早前行經凹凸不平的路面時，便曾險告跌倒受傷，「啲路磚凹咗落去，跟住就變埋個窿，一個唔留神就真係好易差錯腳！」徐不滿當局遲遲未有維修，罔顧行人安全。
葵青區區議員林紹輝亦指路政署未對轄下道路適時巡察，有漠視市民安全之嫌，「呢啲維修工程一日就做好啦，整番好有幾難？路政署成日都係要收到投訴先至搵人嚟整，明顯係失職！」林促該署須加強巡查，尤其雨季期間，路磚底部沙泥容易沖蝕，斜路損耗又較平坦路段為多，更需注意保養及維修路面。
路政署發言人表示，接獲轉介後派員實地查察，發現上述地點路磚損爛及凹凸不平，已即時安排承辦商維修，翌日已修妥有關路面。