建制派要求增直選議席
據悉，建制派某黨近年快速推行年輕化，大班新人排隊等上位，但係香港政治出路狹窄，立法會直選只加五席，政治助理又兩年後隨時摺埋，令新人上位無門。所以，林D9就取消委任制同政黨「摸底」講數期間，該黨提出相應加多啲區會直選議席，好讓政治新丁有機會落場練兵。呢個建議牽一髮動全身，當局分分鐘要為四百個選區重新劃界，林D9梗係唔想做啦，但係又唔想得失建制派，聽聞佢依家相當頭痕。
民主黨則開宗明義唔同意呢個諗法，副主席單仲偕話，現時每個民選區議員代表一萬八千名選民，如果加議員，每個區議員就代表更少選民，民主黨唔支持咁嘅發展。