樹木蚜蟲汁液玷污咪錶

劉先生經常將座駕停泊於九龍塘范信達道露天錶位,近日發現咪錶位及車身經常「黐立立」,懷疑樹上有果實滴下汁液所致,「咪錶隔籬有棵樹,連拍卡嗰個位都污糟晒,啲汁都唔知對人體有冇害?」

康樂及文化事務署發言人稱,上述樹木為大花紫薇樹,近日受蚜蟲侵蝕,蚜蟲吸食葉汁後會排出白色汁液。經該署清除蟲害及適當修剪後,汁液滴下的情況已顯著改善。運輸署發言人亦已通知承辦商派員定時清潔有關咪錶。

長春社總監蘇國賢建議當局做好防蟲措施,保障樹木健康,「蚜蟲主要影響樹木嘅健康,可以用有機農藥預防。如果喺佢成蟲後至用藥,表面已經有啲類似蠟質嘅嘢,咁就會難啲殺死。」