中大迎新營常有創意，當年的「新亞桑拿」實在是創意十足，更能洞悉商機（最近東莞掃黃，當知桑拿這行業，一個小小的東莞市「年產值」達四百億元人民幣）；後來大玩淫褻遊戲，繼承「淫賤不能移」的精神。今次迎新，近三十人堆滿青春作伴、活力無限的笑容，豎起中指，真有「我志在寥廓，昔疇夢登天」的氣魄！
新任校長沈祖堯於網誌呼籲學生「要玩得有品味」。那些伸脷、耳邊吹氣不見了，代之而起的是豎中指的不文手勢。最近「撐粵語」運動聲勢浩壯，中大迎新亢奮齊豎中指的大合照上載facebook，只要借用明末大將袁崇煥的金句，並改成「掉哪媽！頂硬上！我哋齊撐廣東話！」作說明，看官，這樣的一張豎中指的大合照，配合氣吞八仙嶺的肢體語言，你話係唔係好有品味呢，沈校長？
老朽亦年輕過，深明青少年反叛、無視權威的性格，頂多你鬧佢哋「過分自我」。當年廣州「與非門」樂隊推出的專輯主打歌《做愛做的事》便唱道：「做，做愛做的事；愛，愛愛我的人。」青春怒飛，你估佢哋入到中大唔使苦讀吖？如今豎吓中指又冇掌摑差人，最多係躁狂有火嘅「病人」，一定唔係「壞人」。如果醒醒定定讀書，有良好嘅學歷同教育背景，只要不是殺人放火，感化吓、做吓義工或社會服務令，之後又一條好漢或大家姐喇！
坦白講，平平淡淡、正正經經舉起Ｖ字手勢影張相，哪有這張齊豎中指的澎湃氣勢！這是鳥槍換炮、活力粗豪的呈現，老朽祝福他們畢業後好好發揮不是壞人的優勢。