中環出更：LORO PIANA羊毛聞名於世

肥亨着慣嘅LORO PIANA，平日甚少減價，着得咁高檔次嘅衫，就唔需要等減價至入貨喇。以生產頂級羊毛聞名於世嘅LORO PIANA，現時係全球最大嘅cashmere製造商及最大羊毛採購商，不少大牌子都向其訂購cashmere。

LORO PIANA獨家研製多款織料，成為鎮店王牌，包括矜貴駱馬毛Vicuna，黑羊毛Pecora Nera等，其中絲混茄士咩頸巾最得明星名媛喜愛，每條售價高達逾萬港元，依然不乏捧場客。

除咗羊毛衣飾，LORO PIANA亦推出高級休閒服，前全國政協常委張永珍就睇中呢個牌子嘅風褸，月前着上一件鮮橙色拉鏈風褸入馬場，顯得精神奕奕，張永珍笑言，睇見件褸價錢不菲，本來唔捨得買，但試上身愛不釋手，都忍唔住買番件。