鳥店賣熟食食署睇唔到
食物環境衞生署劣迹斑斑，早前更遭申訴專員公署狠批工作時有「甩漏」，經常令市民求助無門。然而，即使面對多方責難，部門敷衍態度依舊。一間設於鬧市的鳥店被發現公然違規售賣熟食，事實擺在眼前，但食環署仍堅稱並無發現，議員直斥當局巡查不力，縱容非法行為。傳染病醫生指雀鳥與熟食應分開處理，否則隨時傳播疾病。
梁先生早前行經牛頭角定業街一間鳥店時，發現該店竟在門前兼售熟食，除有街坊至愛的腸粉、燒賣等小食外，店內更設置飲品專櫃，儼如士多，「個招牌就大大隻字寫住係鳥店，仲掛咗幾個雀籠出嚟，但舖頭就賣熟食，咁咪即係做非法熟食檔？」梁質疑食環署巡查不力，任由鳥店出售熟食，亦擔心食物受到污染，「啲雀仔同熟食擺埋一齊，點知會唔會有菌？」
區議員自認幫襯過
記者實地了解情況時，發現店方以一自製手推車，在店前公然出售熟食，包括腸粉、燒賣、牛肉及粉果等，並備有多款醬料供客人調味，期間記者更以不足十元的「街坊價」購得腸粉及紙包飲品。
本報向食環署查詢鳥店疑違規出售熟食事宜時，食環署雖然證實上址未有領取食物業處所牌照，但是發言人卻指職員經多次巡查，亦未有發現有關店舖無牌經營食物業。
「佢哋（鳥店）啲腸粉幾好食，我自己都幫襯過！不過如果佢哋想轉型，都應該考慮攞番個牌先賣熟食！」當區區議員陳華裕承認亦曾光顧鳥店購買小食，並指據悉鳥店早年確曾售賣雀鳥及雀粟，惟自○四年後因生意不佳，自此已沒有出售雀鳥，只會間中出售腸粉等小食。
力促搜證杜絕違規
傳染病專科醫生勞永樂表示，夏天為腸道傳染病的感染高峰期，雀糞會藏有大量細菌，包括沙門氏菌及腸道彎菌，甚至是鸚鵡熱等，患者會出現嘔吐、肚瀉、肚痛、發燒，甚至肺炎等徵狀。勞醫生直指，熟食及禽鳥在同一店內出現，極不衞生，「賣嘢食嘅地方點可以有雀仔？啲雀仔喺雀籠跳嚟跳去，加上一有風吹，啲雀糞好容易跌落食物度，細菌就好容易傳播開去！」
立法會食物安全及環境衞生事務委員會委員王國興斥食環署巡查敷衍，「無牌熟食檔有好多生財工具，唔會咁快搬得走，食環署要查冇理由查唔到！」王促部門巡查時多搜集證據，杜絕違規情況，「巡查唔係睇一睇就算數，係咪要睇多幾次，甚至要觀察同問吓附近街坊，要徹查完之後先可以確定係唔係。」
記者 梁少儀