「官府話過無事」邊個賠？
「點算呀？啲嘢冇晒啦，搵邊個賠呀？」吳太昨日心情一直激動，沒有一刻能靜下來。事發時吳太正在鄰居家打麻雀，洪水突然湧至，她立即返家，還沒來得及收拾細軟，洪水已由門口、窗戶四面八方湧入，當時在屋內打機的廿多歲女兒與八歲的外甥只能向大門方向逃生。
損失數十萬誓究責
雖然形勢危急，但吳太為保護屋內財物，一度不肯撤走，最後在救援人員游說下才肯離開。
吳太和家人雖然幸免於難，但卻損失慘重。經過無眠的一夜，她昨早由社區中心返回居住了半個世紀、被洪水沖至滿目瘡痍的家園，眼前一切令她傷心欲絕。
吳太表示，剛剛兌換的幾萬元人民幣及家中萬多元現金全都被沖走，而新買的熱水爐還未安裝已被浸壞，粗略估計，財物及家電損失數十萬元。
「咩都冇晒啦，就算畀過間屋我又有咩用，我哋喺度住咗咁耐咁舒服，點解依家會搞成咁？」吳太力斥政府一意孤行進行河道工程：「我哋一早就話咁搞會水浸，佢哋大大聲話睇過晒、計過晒，唔會有事。搞成咁，應該由邊個負責？」