鵝頸街市違泊危及行人
客貨車路邊違泊頓變行人路計時炸彈！在灣仔上班的阿茹（化名）發現，鵝頸街市近灣仔道門外長期有客貨車及大型貨車違例停泊，部分車更「剷上」行人路起卸貨物，鑑於上址人流頻繁，擔心違泊持續會對行人構成危險，「萬一有老人家買完餸行出嚟，睇唔到有車轉入嚟就過馬路，咁就大件事喇！」
警方發言人坦言對上址一帶違泊問題十分關注，灣仔警區經常派員巡查，並按「靈活執行交通法例政策」適當執法。去年至今，警方共接獲一百九十七宗有關投訴，並採取二百一十一次檢控行動。
「唔係話要趕絕上落貨，不過逼到啲人行出馬路，有起意外上嚟真係好牙煙！」當區區議員鍾嘉敏直言檢控數字雖偏高，但違泊問題依然持續，反映當局打擊不力，促警方加強巡查，又建議與食物環境衞生署採取聯合行動，打擊違泊及非法霸佔行人路，保障行人安全。