政情：鄧達智遊南美歎葡萄酒
鄧達智（William）貴為時裝界達人，經常外遊搵靈感，最近就暢遊南美多國，參觀過蔓延巴西與阿根廷邊界嘅伊瓜蘇大瀑布（Iguazu Falls）、阿根廷布宜諾斯艾利斯新城，仲到智利海港VALPO食海鮮，歎盡地道美食之餘，仲體驗新世界葡萄酒特色。
William話，智利與阿根廷相隔一個安第斯山脈（Andes），智利受南太平洋海風影響，氣候較為潮濕，而阿根廷有安第斯山脈阻擋，氣候較乾燥，種植出唔同嘅葡萄，釀製嘅葡萄酒風味別有不同。William鍾意阿根廷紅酒多啲，但香港唔係咁多選擇，反而智利葡萄酒喺亞洲市場較進取。
回港後，William月初就同元朗交通廣場New York Cafe嘅老闆Randy搞咗個新世界葡萄酒晚宴，推介嘅葡萄酒價錢唔算太貴，但酒質好有水準，其中一支係來自智利嘅Los Vascos2008，質素令人驚喜，味道較厚，配上美國安格斯牛扒，感覺相當好。
另一支為美國加州嘅Hayes Ranch Chardonnay2005，飲落好清爽。總之選擇好多，任君選擇。