中環出更：葉澍堃宴客賀結婚紀念
上周三馬季煞科夜賽，適逢當日係馬會大董葉澍堃（Stephen）同太太Nancy結婚三十四周年紀念日。向來好客嘅Stephen特登喺大董廂房宴客，同好友一齊切蛋糕分享喜悅。當年Stephen豪開近四十支干邑迎娶嬌妻，幾十年後嘅今日卻迷上葡萄酒，好友「快勞夾大王」杜振源（Simon）帶埋十五支價值近二十萬元嘅靚萄葡酒送畀Stephen做賀禮。
Stephen夫婦請客，大仔瀚林（Hiram）同細仔瀚華（Ian）及女友幫手招呼賓客。卓妮見到Simon夫婦同囝囝杜擴業（Michael）一家外，仲見到立法會議員石禮謙及鄧慶治一家，機管局行政總裁許漢忠夫婦都嚟捧場。當晚許漢忠要上廣州公幹，出發前都趕去同Stephen夫婦飲番杯，仲託太太送上賀禮。
杜振源值20萬靚酒會知音
講番Simon嘅葡萄酒賀禮，當中包括Richebourg 1987（每支約$20000）及La Tache 1978（每支約$33000）等十五支酒，加埋閒閒地價值近二十萬元，難得知音好友分享，無計啦！
