政情：葉太借冧樹狙擊林鄭

匯賢智庫的立法會議員葉劉淑儀早前民望急升，外界估計同佢就強拍條例刊登全版廣告，狠批發展局局長林鄭月娥有關。早前沙田又發生塌樹壓死人慘劇，最近就連政府總部西座門口嘅細葉榕都冧埋，引起社會極大關注，葉太睇準機會再次出招，首先喺尋日嘅立法會「打尖」提出質詢追問樹木管理，又要求下周三提出休會辯論，追瘦負責樹木政策嘅林鄭月娥。唔通葉太食髓知味，想借狙擊林鄭谷民望？