政情：肥亨任總做太平紳士
政府尋日公布授勳名單外，又委任八十七名太平紳士，其中五十一人為非官守太平紳士。睇睇張名單，最熟悉嘅面孔有做過商務及經濟發展局局長嘅中策集團主席馬時亨、金管局前總裁任志剛、理工大學校長唐偉章、城大校長郭位、律師會會長王桂壎、廠商會會長黃友嘉、鄉議局主席劉皇發嘅女婿余漢坤等。
政府對政界都好疏爽，又委任咗多名議員做太平紳士，包括立法會議員李慧琼（民建聯）、沙田區議員龐愛蘭（C18）及葛珮帆（民建聯）、南區區議會副主席朱慶虹、東區委任區議員彭韻僖、黃大仙委任區議員史立德、葵青委任區議員方平（C18）、荃灣委任區議員陶桂英等。
咁多太平紳士幫手巡視監獄同羈留中心，就唔使擔心有人獲不公平對待或者被剝削權利啦！