肌萎悅君堅持考試
【本報訊】「考生物科時眼前一黑，但一心諗住『畀我考埋佢』堅持到底。」患有肌肉萎縮症的女生馬悅君，肌肉、心肺與體力均比正常人虛弱，備戰高考時甚至長咳不止，仍堅拒入院治療，怕有入無出缺席考試。悅君最終憑堅毅意志，考獲3A佳績。悅君勉勵時下青年不要輕生或濫藥，應珍惜上天賜予的健康體魄。
心肺功能弱拒入院
今年二十歲、就讀中華基督教會銘賢書院的馬悅君，八個月大時不幸患上肌萎，心肺功能、體力均較差，寫字亦較慢，但熱愛學習的她反而更努力。悅君於去年底備戰高考時感染傷風咳嗽，由於肺功能特別弱，擔心不知何日才好轉，堅持不入院治療，只顧留家溫習，「驚入醫院要留好耐，返唔到學就會進度落後，又驚住去唔到考試。」
悅君病況時好時壞，每科連續數小時的考試對她實屬一大負擔，最驚險是考生物科時體力透支，眼前一黑差點暈倒，但尚差十分鐘就考完，悅君心諗「畀我考埋佢」，靠此信念堅持至考試完畢。考獲3A佳績，悅君除感謝母親二十年來的扶持，更感激校長的照顧，「我哋特殊考生張枱要高啲，校長就話如果佢張枱高度啱我，連張校長枱都可以畀我用！」悅君勉勵時下青年，「上天賜予一副健康身體，應該更加珍惜，更加勤力，唔應該輕生、濫藥，自毀生命、前途。」